بحبــــــــــــــــــــــــــــك

مشرف

كل يوم فى الفجر بتزيد أمنياتى
كل أما بيكى أحلم أكره حياتى
يوم بحبك ويوم عشقتك
ويوم بشوفك قصه باكيه فى حكاياتى
ولما الشمس تبدأ فى فرد الشراع
أصحى على صوت المنادى(فوق وصحصح)
القا نفسى وسط دوامة سراب
القا افكارك بتطرح للأغانى كوم تراب
القا حبات الندى ويا العرق الكل داب
يوم ما فكرت الدخول فى جنتك
مليون طريق اتفتّحوا
واما اكتشفت الجنه نار
قررت اخرج ملقتش باب
اكتب فى حبك من القصايد مليون كتاب
وفى كل سطر
وكل حرف
وكل كلمه
فى قلبى ليكى....
مليون عتــــــــــــــاب